Nafarroako lehenengo ikastola, Nuestra Señora de Irantzu (1964), ireki bezain laster itxi zen Gobernuaren agindu baten bitartez. Jarraian, Nuestra señora de Uxue izenarekin Iruñeko Alde Zaharreko Pozoblanco kalean bigarren ikastola eta behin betikoa zabaldu zen, ondoren jaioko ziren ikastolen aintzindaria bilakatu zena.

Paz de Ziganda ikastola 1970ean jaio zen, baliabide gutxi, baina ilusioz beteriko guraso talde txiki baten eskutik. Eredu ezberdin baten aldeko apustua egin zuten: euskalduna, kooperatibista, berrikuntza pedagogikoetan eta hezkidetzan oinarritua. Ezaugarri horiek, besteak beste, oraindik ere gaur egun ikastolako Hezkuntza Proiektuaren ardatz nagusiak dira.

 


HISTORIAKO MUGARRI NAGUSIAK

  • 1954

    Maria Paz- Ziganda Ferrer (1890-1966) izan zen Euskaltzaindiako kide izatera iritsi zen lehen emakumea.

  • 1965

    Iruñerriko ikastolen aurrekaria den Nuestra Señora de Uxue ikastola sortzen da.

  • 1970

    Paz de Ziganda ikastola sortzen da.

    Paz de Ziganda Hezkuntza ministeritzak Nafarroan errekonozitzen duen lehenengo ikastola da.

  • 1974

    Egoitza ezberdinetan egon eta gero, azkenik, ikastola Atarrabiako Dominikotarren komentuan kokatu zen, alokairuan (1974-1995).

  • 1980/85

    Euskaraz bizi proiektua martxan jartzen da.

  • 1981

    “Euskararen adiskideak” elkarteak titulartasuna ikastolako familiei eman zien.

  • 1991

    Eleanitz proiektuaren aldeko apostua egin zen ingelesaren trataeran iraultzailea den proiektua ezarriz.

  • 1991

    Euskaraz bizi lemapean Nafarroa Oineza ospatzen da

  • 1995

    Ikastola berriaren eraikuntza nagusia inauguratu zen.

  • 1998

    Haur Hezkuntzako eraikuntza eta kiroldegiaren inaugurazioa egin zen.

  • 2000

    Nafarroako ikastolen lehenengo Hizkuntz Proiektua ikastolan sortzen da.

  • 2007

    Energia berriztagarrien alde ikastolako teilatuan eguzki plakak kokatzen dira.

  • 2010

    Munduz mundu lemapean Nafarroa Oinez jaialdia ospatu zen.

  • 2011

    Batxilergoko eraikinaren inaugurazioa etapa honen ezarpena egin zen.

  • 2013

    Integrazioaren pedagogiaren aldeko apostu metodologikoa.

  • 2016

    Jazarpenaren kontrako KIVA proiektuaren ezarpenaren hasiera.

  • 2017

    Lehen Erasmus proiektua garatu zen.

  • 2018/20

    hIzan proiektuaren hasiera Haur Hezkuntzan.